Chaar saalon ki kahani..Panda ki zubani!

Aaj suno chaar saalo ki kahani,

apne panda ki zubani...

IP me acha rank tha aaya,

fir kyu..akhir kyu pada, meri budhi par ghana saya,

aaj bhi dhundta hu..uss saale ko,

jisne muje ECE me fasaya..

Electromagnetic Field theory,

jisse kisi ka baap bhi samajh na paya,

fir mere jaisa tuch pranni,

kaha samajh pata inn equations ki maya,

inn chhot chhote dikhne waale,

MOS ke transistoro ne bhi khub rulaya,

fir ek idea aaya,

vodka ka ek shot lagaya,

aur ye conclusion banaya..

"Ratta maar...Ratta maar..

Ho sar pattak ke tu girade knowlege ki deewar..sau baar..ratta maar,

samajh ke milega kya..lega kya tu ukhad..

ratt ratt ke peeja tonic jeet ka yaar..ratta maar!"

Dosti to sirf ek shabd tha...

matlab yaha samajh me aaya,

jab combined effort maarke..

examo me naiya ko paar lagaya..

arre mera katta hua to kya hua,

lab assistant ne dost ka bhi toh absent lagaya..

hot hot drishyon ka bhi,

luft saath baith ke uthaya,

story ke iss part ko,

in shabdon ne khub gungunaya..

"arre yaaron ..dosti..badi hi haseen hai..

ye na ho toh kya fir..bolo kya zindagi hai..

koi to..ho raazdar..begaraz tera ho yaar..

koi to ho raazdar.."

Ab aati hai placement ki baari,

itne saare subjects,

kaari maine bhi khub tayari,

ratte maar maar ke maar maarke,

keetabe beech se faadi,

CAT ki bhi tayaari ki..par kuch na hua,

bas padi jeb par bhaari..

Arz karta hu,in shabdon me,

desperation ki ek lambi paari...

"tadap tadap ke iss dil se.. aah nikalti rahi..

mujko saza di back ki..aisa kya gunnah kiya..

jo lut gye..han lut gye..

jo lut gye hum naukri ki taalash me.."

Aakhir end hui.ye sad story..

dhakke khaate..passene bahate..

lag hi gyi naukri hamari..

Yaaron.ab ek request hai..

please bhulna mat mujhe,

ye jo jali hai lau,dosti ki,

ab ye kabhi na bhuje..

saath kari saari problems solve,

ab zindagi ke har tufan se hum aise hi jujhe..

pal ki ek kahani gun gunata hu,

kaash ye tumhe hamesha yaad rahe..

"Hum ..rahe ya na rahe kal...

kal..yaad aayenge ye pal.

pal..ye hai pyar ke pal..

chal.. aa mere sang chal,

chal..soche kya..

chhoti si..

hai ye ye zindagi..

kal..mil jaaye...to hogi..

khush nassebi...

hum rahe ya na rahe..yaad aayenge ye pal!"

      

            K-WAY!!!! 

PS-

This poem is dedicated to the four years we spent together..times we endured together..Thank you for everything..!!